Marathi letter - requesting new dumpster in the area
हडपसर परिसरातील 'सानेगुरुजी सोसायटी' येथील रहिवासी या नात्याने नवीन कचरापेटीची मागणी करणारे पत्र महानगरपालिका, आरोग्य अधिकाऱ्याला लिहा प्रति, आरोग्य अधिकारी, पुणे महानगरपालिका विषय : कचरा व्यवस्थापन आणि परिसरातील स्वच्छतेबाबत मा. महोदय सादर प्रणाम. मी हडपसर परिसरातील 'साने गुरुजी सोसायटी' येथील रहिवासी आहे. या पत्राद्वारे परिसरातील अस्वच्छतेच्या गंभीर समस्येकडे आपले लक्ष वेधू इच्छिते. आमच्या भागात काही दिवसांपासून कचऱ्याची योग्य विल्हेवाट लावली जात नाही आहे. ठिकठिकाणी कचऱ्याचे ढीग साचले आहेत. यामुळे परिसरात खूप दुर्गंधी पसरली आहे आणि रोगराई पसरण्याचा धोका निर्माण होत आहे. नागरिकांच्या आरोग्याचा विचार करून, कृपया आमच्या परिसरात स्वच्छता मोहीम राबवावी आणि कचरा व्यवस्थापनासाठी नवीन कचरापेटी उपलब्ध करून द्यावी हि नम्र विनंती. या विषयी आपले सहकार्य मिळेल अशी आशा आहे. तसदीबद्दल क्षमस्व. आपली कृपाभिलाषी, अ. ब. क.